Vullnetarët

Anila aktualisht ndjek programin Bachelor of Science në Shkencat Terapeutike të Shëndetit – Terapia e të Folurit në Heimerer College në Prishtinë. Ajo ka qenë gjithashtu e përfshirë në punë në Heimerer College si asistente e projektit ndërkombëtar dhe është aktive në një sërë aktivitetesh vullnetare për studentët e rinj. Për më tepër, ajo punon si asistente për fëmijët me nevoja speciale dhe është një vullnetare e përkushtuar në organizatën tonë.

Altina është duke ndjekur programin Bachelor në Shkencat Terapeutike të Shëndetit – Profil Terapia e të Folurit në Heimerer College. Altina ka punuar si Asistente e Prorektorit për Bashkëpunimin Ndërkombëtar dhe Projektet në Heimerer College, dhe gjithashtu ka punuar si koordinatore e studentëve në projektin e Qendrës së Parë Multidisiplinore në Kosovë. Po ashtu, ajo është asistente për fëmijët me Spektrin e Autizmit, duke i ndihmuar ata në gjuhë, komunikim, shkrim dhe lexim. Altina është gjithashtu një vullnetare e përkushtuar në organizatën tonë.

Mirlinda është studente e vitit të dytë në Shkencat Terapeutike të Shëndetit – Ergoterapi në Heimerer College në Prishtinë. Puna e saj e parë profesionale ka qenë si asistente e psikologut në vlerësimet psikologjike, seancat me fëmijët dhe prindërit, asistente për terapistët stimuluese dhe terapistët e të folurit. Mirlinda ka qenë gjithashtu e angazhuar vazhdimisht si përkthyese e gjuhës turke dhe angleze në trajnimet e realizuara nga psikologët dhe edukatorët specialë. Kohët e fundit, ajo ka punuar si asistente e projekteve ndërkombëtare në Heimerer College dhe tashmë është një anëtare e organizatës tonë.